Webmail |  MyCourses

Mundësi të studimit jashtë vendit dhe shkëmbimi studentor

English | Srpski

MUNDËSI SHKËMBIMI

RIT Kosovë (AUK) është i zotuar që të mbështesë diversitetin e kampusit tonë dhe zhvillimin e kompetencave globale dhe shkathtësive profesionale të shekullit të 21-të.  Ne besojmë se një strategji për arritjen e këtij qëllimi është t’i vazhdojmë dhe zhvillojmë më tutje mundësitë e shkëmbimit për studentët, stafin dhe profesorët.   Për ta dëshmuar zotimin tonë për zgjerimin e mundësive tona të shkëmbimit, ne i jemi bashkuar Nismës së Studimit Jashtë Vendit të IEE për rritjen e mobilitetit të studentëve, stafit dhe profesorëve.  Si anëtar i kësaj nisme, ne i bashkohemi një komuniteti global të përkushtuar për të mbështetur studentët dhe universitetet në krijimin e një mjedisi më global të të mësuarit.  (Për t’i parë përfitimet për studentët dhe anëtarët universitarë nga kjo nismë, ju lutemi vizitoni faqen e internetit të IIE:  https://www.iie.org/Programs/Generation-Study-Abroad.) Kemi kënaqësinë të ndajmë mundësitë vijuese të shkëmbimit dhe premtojmë se do të vazhdojmë të bëjmë përpjekje drejt rritjes së mundësive të shkëmbimit në dispozicion të komunitetit RIT Kosovë (AUK) dhe universiteteve partnere. 

RIT Global (shkëmbimi në mes të kampuseve të RIT)

  • Studentët mund të shkojnë në kampusin kryesor për një apo dy semestra vetëm përmes pagesën universitare të kampusit burimor. Shpenzimet e jetesës janë shtesë (rreth 7000 dollarë).

ERASMUS + Shkëmbim

  • Universiteti HAMK (Erasmus + Exchange): Dy studentë të RITK mund të studiojnë në HAMK çdo vit për një semestër. Në anën tjetër, RITK pranon dy studentë të HAMK.
  • Universiteti Teknik i Lindjes së Mesme: Katër studentë të RITK mund të studiojnë në METU çdo vit për një semestër.  Në anën tjetër, RITK pranon katër studentë të METU.
  • Universiteti Ndërkombëtar i Ballkanit: Dy studentë të RITK mund të studiojnë në IBU çdo vit për një semestër.  Në anën tjetër, RITK pranon 2 studentë të IBU.
  • Universiteti Windesheim i Shkencave të Aplikuara: Dy studentë të RITK mund të studiojnë në Windesheim çdo vit për një semestër. Në anën tjetër, RITK pranon 2 studentë të Windesheim.

Mundësi të tjera shkëmbimi në SHBA

  • Embry Riddle: Studentët mund të marrin pjesë në Embry Riddle, duke paguar pagesën burimore dhe shpenzimet shtesë të udhëtimit dhe jetesës (rreth 7,700 dollarë)
  • Kolegji komunitar Des Moines Area: Studentët mund të marrin pjesë në DMACC, duke paguar pagesën burimore dhe shpenzimet shtesë të udhëtimit dhe jetesës (rreth 6,200 dollarë)
  • MSU Billings: Studentët mund të marrin pjesë në MSU Billings, duke paguar pagesën burimore dhe shpenzimet shtesë të udhëtimit dhe jetesës (rreth $5,000-$5,500 dollarë)

Mundësi të tjera shkëmbimi në BE

  • Sciences Po- Një student mund të marrë pjesë për një semestër.  Studentët paguajnë pagesën burimore të shkollimit, shpenzimet e udhëtimit dhe ato shtesë për jetesë në Paris.


auk png